Dr. Jose “Jett” Aguilar in his home observatory. (Photo courtesy of Imelda Joson and Edwin Aguirre)

Isang walong kilometrong lapad na asteroid sa pagitan ng orbit ng Mars at Jupiter ang ipinangalan kamakailan sa isang Filipino neurosurgeon.

Opisyal na pinangalanan ng International Astronomical Union (IAU) ang asteroid 1993 FN41 bilang 7431 Jettaguilar, bilang parangal kay Dr. Jose “Jett” Aguilar, isang neurosurgeon sa Philippine Children’s Medical Center, Philippine General Hospital, at Cardinal Santos Medical Center.

Ang Working Groups for Small Body Nomenclature bulletin ng IAU ay inilarawan si Aguilar bilang "isang Filipino neurosurgeon na nagligtas ng mahigit isang libong bata sa Pilipinas sa pamamagitan ng pagboboluntaryo ng kanyang oras at surgical expertise para gamutin ang kanilang congenital malformations at brain tumors."

Inoperahan ni Dr. Jett Aguilar ang isang batang pasyente sa Philippine Children’s Medical Center. (Larawan sa kagandahang-loob nina Imelda Joson at Edwin Aguirre)

"Siya rin ay isang baguhang astronomer at nagsisilbing bise presidente ng Astronomical League of the Philippines," ang mababasa bulletin.

Ang mga asteroid ay mabato, walang hangin na natira mula sa pagbuo ng ating solar system mga 4.6 bilyong taon na ang nakalilipas. Ayon sa National Aeronautics and Space Administration, ang kasalukuyang bilang ng asteroid ay higit sa isang milyon.

“I am really at a loss for words. Not even in my wildest dreams have I imagined having an asteroid named after me,”(Nawawalan na talaga ako ng salita. Ni sumagi sa aking panaginip na ipangalan sa akin ang isang asteroid.) sabi ni Aguilar sa press statement na ipinadala sa INQUIRER.net noong Biyernes.

“Honestly, I sincerely believe that there is a long list of more deserving Filipino amateur astronomers ahead of me, but I guess there has never been a Filipino, or American, neurosurgeon yet who had received such an honor,”(Sa totoo lang, taos-puso akong naniniwala na may mahabang listahan ng mas karapat-dapat na mga Filipino amateur astronomer na mauuna sa akin, ngunit sa palagay ko ay wala pang Filipino, o American, neurosurgeon na nakatanggap ng ganitonng karangalan) dagdag niya.

Mahigit 20 taon nang nagbibigay si Aguilar ng mga serbisyong neurosurgical sa mga batang Pilipino. Kasama sa kanyang kamakailang mga operasyon ang matagumpay na pagtanggal ng isang parasitic twin mula sa isang tatlong-linggong gulang na sanggol na tinatawag na "Baby Ned" noong 2019.

Siya rin ang clinical director ng Philippine Movement Disorder Surgery Center na nagpasimuno ng deep brain stimulation surgery para sa mga Pilipinong pasyente na may bihirang genetic movement disorder.

Ayon sa isang WGSBN Bulletin na may petsang Mayo 14, 2021, ang asteroid 7431 Jettaguilar ay natuklasan noong Marso 19, 1993, mula sa European Southern Observatory sa La Silla, Chile, at unang binigyan ng pagtatalagang 1993 FN41.

Bukod sa pagiging neurosurgeon, si Aguilar ay naging masigasig na astrophotographer. Ang kanyang mga larawan ng araw, ang transit ng Venus, mga lunar eclipses at iba pang celestial na kaganapan na kinuha mula sa kanyang pribadong obserbatoryo sa bahay ay nai-publish sa spaceweather.com at skyandtelescope.org. -INQUIRER